Texts: Fragment of a Romance of Alexander

Uniform transcription

Diplomatic transcription

dit salomon a l primyer pas

Dit salomon al primyer pas. |

dit salomon a l primier pas
quant de son libre mot lo clas
est vanitatum vanitas
et universa vanitas
5 poyst lou me fay m enfirmitas
toylle s en otiositas
solaz nos faz antiquitas
que tot non sie vanitas

Dit salomon al primier pas. |
quant desonlibre mot | loclas.
est uanitatumuanitas. |
et uniuersa uanitas.
5poyst | lou me fay menfir mitas. |
toylle sen otiositas.
solaz nos | faz antiquitas.
que tot nonsie | uanitas.

en pargamen no l vid escrit
10 ne per parabla non fu dit
de l temps novel ne de l antic
nuls hom vidist un rey tan ric
chi per batalle e per estric
tant rey fesist mat ne mendic
15 ne tanta terra cunquesist
ne tan duc nobli occisist
cum alexander magnus fist
qui fud de grecia natiz

En par gamen | noluid escrit.
10ne per parabla | non fu dit.
del temps nouel | ne del antic.
nuls hom uidist | un rey tan ric.
chi per batalle | et per estric.
tant rey fesist mat | ne men dic.
15ne tanta terra cun|quesist.
ne tan duc nobli occi|sist.
cum alexander magnus fist. |
qui fud degrecia natiz; |

rey furent fort e mul podent
20 e de pecunia manent
rey furent sapi e prudent
e exaltat sur tota gent
mais non i ab un plus valent
de chest dun faz l alevament
25 contar vos ey pleneyrament
de l alexandre [b] mandament

Rey furent fort et mul podent. |
20et de pecunia manent.
rey furent | sapi et prudent.
et exaltat sur | tota gent.
mais non iab | un plus ualent.
dechest dun | faz laleuament.
25contar uos ey | pleneyrament.
del alexandre | [b] mandament;

dicunt alquant estrobatour
que l reys fud filz d encantatour
mentent fellon losengetour
30 mal en credreyz necun de lour
qu anz fud de ling d enperatour
e filz a l rey macedonor

Dicunt alquant | estrobat our.
quel reys fud filz | dencantatour.
mentent fellon | losengetour.
30mal encredreyz | nec un de lour.
quanz fud deling | denperatour.
et filz al rey macedonor; |

philippus ab ses pare non
meyllor vasal non vid ainz hom
35 echel ten gretia la region
e ls porz de mar en aveyron
fils fud amint a l rey baron
qui a l rey xersen ab tal tenzon

Philippus ab ses parenon.
meyllor | uasal nonuid ainz hom.
35echel ten | gretia laregion.
els por z demar | en aueyron.
fils fud amint alrey | baron.
qui al rey xersen ab tal tenzon; |

et prist moylier dun vos say dir
40 qual pot sub cel genzor jausir
sor alexandre a l rey d epir
qui hanc no degnet d estor fugir
ne ad enperadur servir
olimpias donna gentil
45 dun alexandre genuit

Etprist moylier dun uos say dir. |
40qual pot sub cel genzor iausir.
sor | alexandre al rey depir.
quihanc | no degnet destor fugir.
ne aden|peradur seruir.
olimpias donna | gentil.
45dun alexandre genuit; |

reys alexander quant fud naz
per granz ensignes fud mostraz
crollet la terra de toz laz
toneyres fud e tempestaz
50 lo sol perdet sas claritaz
per pauc no fud toz obscuraz
janget lo cels sas qualitaz
que reys est forz en terra naz

Reys alexander quant fud naz. |
per granz en signes fud mostraz. |
crollet laterra detoz laz
toneyres fud | et tempestaz.
50lo sol perdet sas claritaz. |
per pauc no fud toz obscuraz.
ianget | lo cels sas qualitaz.
quereys est forz | enterra naz;

en tal forma [116r] fud naz lo reys
55 non i fud naz emfes anceys
mays ab virtud de dies treys
que altre emfes de quatro meys
si l toca res chi micha peys
tal regart fay cum leu qui est preys

Ental forma | [116r] fud naz lo reys.
55non ifud naz emfes an ceys.
mays ab uirtud de dies treys. |
que altre emfes de quatro meys.
sil to ca res chi mi cha peys.
tal regart fay | cum leu qui est preys.

60 saur ab lo peyl cum de peysson
tot cresp cum coma de leon
l un uyl ab glauc cum de dracon
e l altre neyr cum de falcon
de la figura en aviron
65 beyn resemplet fil de baron

60Saurab lo peyl cum depeysson.
totcresp. cum coma de leon. |
lun uyl ab glauc cum de dracon.
et laltre neyr cum de falcon.
de la figura en | auiron.
65beyn resemplet fil de baron.

clar ab lo vult beyn figurad
saur lo cabeyl recercelad
plen lo collet e colorad
ample lo peyz e aformad
70 lo bu subtil non trob delcad
lo corps d aval beyn enforcad
lo poyn e l braz avigurad
fer lo talent e apensad
mels vay e cort de l an primyer
75 que altre emfes de l soyientreyr
eylay o vey franc cavalleyr
son corps presente volunteyr
a fol omen ne ad escueyr
no deyne fayr regart semgleyr
80 aysi s conten en magesteyr
cum trestot teyne ja l empeyr

Clar ab lo uult beyn figurad.
saurlo | cabeyl recercelad.
plen lo collet et colorad.
ample lopeyz et aformad. |
70lobu subtil non trob delcad.
lo corps daual beyn enforcad.
lo poyn el braz | auigurad.
fer lotalent et apensad.
Mels uay et cort de lan primyer.
75que altre | emfes delsoyientreyr.
eylay o uey franc caualleyr.
soncorps presente uolun|teyr.
a fol omen ne ad escueyr.
no deyne fayr regart semgleyr.
80aysisconten en | magesteyr.
cum trestot teyne ia lempeyr.

magestres ab beyn affactaz
de totas arz beyn enseynaz
qui l duystrent beyn de dignitaz
85 e de conseyl e de bontaz
de sapientia e d onestaz
de fayr estorn e prodeltaz

Magestres ab beyn affactaz.
de | totas arz beyn enseynaz.
quil duystrent beyn dedignitaz.
85et de conseyl et de | bontaz.
de sapientia et donestaz.
defayr estorn et prodeltaz.

l uns l enseyned beyn parv mischin
de grec sermon e de latin
90 e lettra fayr en pargamin
e en ebrey e en ermin
e fayr a seyr e a matin
agayt encuntre son vicin

Luns lenseyned | beyn paru mischin.
degrec ser mon et de latin.
90et lettra fayr en pargamin.
et en | ebrey et en ermin.
et fayr aseyr et amatin.
agayt en cuntre son uicin. |

et l altre doyst d escud cubrir
95 e de ss espaa grant ferir
e de sa lanci en loyn jausir
e senz fayllenti altet ferir
li terz ley leyre e playt cabir
e l dreyt de l tort a discernir

Et laltre doyst descud cubrir.
95et des sespaa grant ferir.
et de sa lanci enloyn | iausir.
et senz fayllenti altet ferir.
literz ley leyre et playt cabir.
el dreyt | del tort adiscernir.

100 li quarz lo duyst corda toccar
e rotta e leyra clar sonar
e en toz tons corda temprar
per se medips cant ad levar
li quinz des terra misurar
105 cum ad de cel entrobe mar

100Liquarz lo duyst corda toccar.
et rotta et leyra clar | sonar.
et entoz tons corda temprar.
per semedips cant adleuar.
li quinz | desterra misurar.
105cumad de cel entrobe mar.

v

V |