Texts: Extract from Saint Gregory's letter on religious images

Uniform transcription

Diplomatic transcription

este vus le respuns saint gregorie a secundin le reclus cum il demandout raison de s paintures /

Este uus le respuns saint gregorie asecundin lereclus | cum il demandout raisondes | paintures. |

altra cose est aurier la painture e altra cose est par le historie de la painture aprendre que la cose seit ad aurier / kar ico que la scripture aprestet a s lisanz ico aprestet la painture a s ignoranz / kar an icele veient les ignoranz quet il deivent sivre / an icele lisent icels ki letres ne sevent ampur la quele cose maismement / la peinture est pur leceun a s genz / la quele cose tu qui habites entra les genz deuses antendra que tu n angendrasses scandale de crueles curages dementiers que tu esbraseras nient cuintement par dreit amvidie / geres nient ne deut estra fruissiet ico que nient ne parmaint ad aurier an eglises mais ad anstruire sulement les penses de s nient savanz / e ampur ico que l ancienetiet nient senz raisun cumandat les hystories estra depaint e s honurables lius de s sainz se tu feisses amvidie par discrecion senz dutance poeies salvablement purtenir les coses que tu attendeies e nient deperdra la cuileita folc mais maisment asemblier que le nient fraint num de pastur excellist e nient an i oust la culpa de l deperdethur /

Altra ćóse est aúrier lapainture | ealtra cose est par le historie de lapainture aprendre | quela ćóse seit ad aúrier. Kar ico que lascripture aprestet | as lisanz. íco aprestet lapainture asignoranz. Kar an icele ueient | les ignoranz quet il deiuent siúre. An ícele lisent ícels ki letres neseuent. ampur laquele ćóse maismement lapeinture est pur leceun as genz. | Laquele ćóse tu qui habites entra les genz deuses antendra. que tu nangendrasses | scandale de crueles curages dementiers que tuesbraseras nient cuintement | par dreit amuidie. Geres nient ne d/e\ut estra fruissiet íćó que nient ne | parmaint ad áúrier an eglises. mais ad anstruire sulement les penses | desnient sauanz. E ampur ićó que lancienetiet nient senz raisun cuman|dat les hystories estra depaint es honurables lius des sainz. se tu feisses | amuidie pardiscrecion. senz dutance poeies saluablementpurtenir lesćóses | que tu attendeies enient deperdra la cuileita folc. mais maisment asemblier | que le nient fraint num depastur excellist. e nient aníóust laculpa del | deperdethur.