Texts: Song of Saint Faith

Uniform transcription

Diplomatic transcription

legir audi sotz eiss un pin
de l vell temps un libre latin
tot l escoltei tro a la fin
hanc non fo senz q el non l declin
5 parled de l pair a l rei licin
e de l linnadg a l maximin
cel meiro ls saintz en tal train
con fa l venaire ls cervs matin
a clusa ls menan et a fin
10 mortz los laissavan en sopin
jazon e ls camps cuma fradin
no lz sebelliron lur vizin
czo fo prob de l temps constantin

LEGIR AUDI SOTZ EISS VN PIN. |
del vell temps un libre latin.
tot lescol|tei troa la fin.
hanc nonfo senz qel nonl de|clin.
5parled del pairal rei licin.
edel | linnadgal maximin.
cel meirols saintz | ental train.
con fal uenairels cerus matin
aclusals menan | et afin
10mortz los laissavan ensopin
iazon els camps | cuma fradin
nolz sebelliron lur uizin.
czo fo prob | deltemps constantin.

canczon audi q es bella ntresca
15 que fo de razo espanesca
non fo de paraulla grezesca
ne de lengua serrazinesca
dolz e suaus es plus que bresca
e plus qe nulz pimentz q om mesca
20 qui ben la diz a lei francesca
cuig me qe sos granz pros l en cresca
e q en est segle l en paresca

Canczon audi qes bellantresca |
15que fo de razo espanesca.
nonfo de paraulla grezesca |
ne delengua serrazinesca.
dolz esuaus es plus quebres|ca.
eplus qe nulz pimentz qom mesca
20quiben ladiz a | lei francesca
cuig me qe sos granz pros len cresca.- |
eqe nest segle len paresca.

tota basconn et aragons
e l encontrada de lz gascons
25 sabon quals es aqist canczons
e ss es ben vera sta razons
eu l audi legir a clerczons
et a gramadis a molt bons
si qon o monstra l passions
30 en que om lig estas leiczons
e si vos [15r] plaz est nostre sons
aisi con l guida l primers tons
eu la vos cantarei en dons

Tota basconnet aragons. |
el encontrada delz gascons.
25sabon quals es aqist can|czons.
esses ben uera sta razons.
eu laudi legir a | cler czons.
et agramadis amolt bons
siqo nomons|tral passions
30enque om lig estas leiczons.
e si uos | [15r] plaz est nostre sons.
aisi conl guidal primers tons.
eu | la uos cantarei endons.

totz temps avez audid asaz
35 q agenz fo molt rica ciutaz
clausa ab murs et ab vallaz
garonna l corr per cell un laz
la gentz d achi fo mal assaz
en oz esteron et en paz
40 non s pars neguns de ls granz peccaz
plus cel q es folz q etz mel membraz
entro en pres deu pietaz
et en la croz los ag salvaz
e de diable deliuraz

Totz temps auez audid | asaz.
35qagenz fo molt rica ciutaz.
clausa abmurs et | ab uallaz
garonnal corr per cellun laz.
la gentz dachi | fo mal assaz.
enoz esteron et enpaz.
40non s pars neguns | delsgranz peccaz.
plus cel qes folz qetz mel membraz. |
entro enpres deu pietaz.
et en lacroz los ag salvaz.
e | de diable deliuraz

45 bella fo il gentz si fosson san
enferm so ll cor quar son pagan
guerpiron deu corron a l fan
cubergro l tot d aur cordoan
proferg l unsquegs l anel de l man
50 qui mais non pod pecza de pan
melz estera qi l dess a z can
tota lur obra fant en van
e quar non s foron cristian

45Bella foil gentz sifosson san.
en|ferm soll cor quar sonpagan.
guerpiron deu corron | al fan.
cuber grol tot daur cordoan.
proferg luns quegs lanel | del man
50qui mais non pod pec za depan.
melz estera qildess | az can.
tota lur obra fant envan.
e quar nons foron | cristian

proverbi diss reiz salamon
55 de l pomer qi naiss e l boisson
cui clau la spina e l cardon
e ll albespin in eviron
achi met flors sus e l somjon
e pois las pomas de sazon
60 mal forun li pagan gascon
qi desconnogron deu de l tron
lur umbra streins aqest planczon
de cui cantam esta canczon
e pres en deus dolz fruit e bon

Proverbi diss reiz salamon.
55del pomer qi | naiss el boisson.
cuiclau las pina elcardon.
ellalbespin | ineviron.
achi met flors sus el somion
epois las pomas | desazon.
60malforun lipagan gascon.
qi des connogron | deu deltron.
lur umbra streins aqest planczon.
de | cui cantam esta canczon.
e presen deus dolz fruit ebon |

65 lo seinner d aqesta ciutad
ag granz honors ab ampledad
parti ss qant pog d aquel peccad
et amed deu fort a celad
audirez qo ll a deus honrad
70 e quan car aver l a donad
filla l doned de tan bon grad
fides a nom per deu mandad
e fo nuirid ab castitad
e teg salva virginitad
75 fort d ell a deus est segl onrad

65Lo seinner daqesta ciutad
aggranz honors abampledad. |
par tiss qant pog daquel peccad.
et amed deu fort acelad. |
audirez qolladeus honrad.
70equan car auer ladonad. |
fillal doned detanbon grad.
FIDES anom perdeu man|dad.
efo nuiridab castitad.
e teg salua virginitad.
75fort | della deus est seglonrad.

lo corps es belz e paucs l estaz
lo sen es gencer qe dinz jaz
los oilz a gentz e blanca faz
e l senz de l cor es mais prezaz
80 antz qe doz anz agges passaz
tal obra fez qe deu molt plaz
martiri pres e fort assaz
tal con ligez e con cantaz
o deus tant n es est monz honradz

Lo corps es belz epaucs lestaz. |
lo sen es gencer qe dinz iaz.
los oilzagentz eblanca faz. |
el senz del cor es mais prezaz.
80antz qe doz anz | agges passaz
tal obra fez qe deu molt plaz.
martiri | pres efort assaz.
tal con ligez econcantaz.
o deus | tant nes est monz honradz.

85 honor qe d aqest segle ag
atretant non prezed d etz brac
en deu de cel lo quors li jag
e l seus servizis molt li plag
non pausara ja czo m adag
90 entro eiss deu de ssa mort pag
czo ss mes diables en esmag

85Honor qe daqest segle | ag.
atretant non prezed detz brac.
endeu decel | lo quors liiag
el seus ser uizis molt liplag.
nonpausara | ia czomadag.
90entro eiss deu dessa mort pag.
czoss | mes diables enes mag.

vilas ag granz e fortz castelz
e pelz salvadgas e noelz
et en sos dez ginnos anelz
95 d aur e d argent ben faitz vaiselz
d aqo ss tems qe fos mals cembelz
qe ill facza l diables nielz
los paupres [16r] en pag e ls meselz
paupras laissed cuma fradelz
100 e teg s ab deu qe ll es plus belz

Vilas ag granz efortz castelz. |
epelz saluadgas e noelz
et ensos dez ginnos anelz. |
95daur edargent ben faitz uaiselz.
daqoss tems qefos | mals cembelz
qeill faczal diables nielz.
los paupres | [16r] enpag els meselz.
paupras laissed cumafradelz.
100eteg sab | deu qelles plus belz.

pos ag blidall ab braczaleira
per deu se mes en gran paupeira
laissed las altras de sa teira
e pres ardin qonsi deu queira
105 ja no ns cujez qe ll non l o meira
q ancsen volg esser sa obreira
et sua fidels camareira
et attended con s li profeira
qe czo s la via dreitureira

Pos ag blidall ab braczaleira.
per | deu semes en gran paupeira.
laissed las altras desa teira. |
e pres ardin qonsideu queira.
105ianons cuiez qell non lo | meira.
qancsen uolg esser sa obreira.
et sua fidels cama-|reira.
et attended cons liprofeira.
qeczos lauia dreitureira. |

110 dizer vos ei d aqelz pagans
quan fort menero ls cristians
quan fo aucis sainz adrians
reiz era dioclicians
de grex fo reiz e de romans
115 hespainna teg e ls montz cerdans
licins fo sos filz sobeirans
e quan fo naz ded li letrans
ers se vas deu aqell veilz can
aucis li l sainz ab ambas mans
120 ara n esta totz soteirans
sotz mil diables cabespans
d aqest fo pars maximians

110Dizeruos ei daqelz pagans
quanfort menero ls cristians. |
quanfo aucis sainz adrians.
reiz era dioclicians.
degrex fo | reiz ederomans.
115hespainna teg els montz cerdans.
licins | fososfilz sobeirans.
equan fo naz dedli letrans.
ersse uas | deu aqell ueilz can
aucis lil sainz abambas mans
120ara nesta | totz soteirans.
sotz mil diables cabespans.
daqest fo | pars maximians.

ensems concordan lur afar
idolas tegrun nemias car
125 mandan las colre et honrar
e per la terra e per mar
e preiron un fellon avar
czo s dacians cui deus non guar
trameirun lo q est regn antpar
130 e ls cristians prend et eschar
e ls destrenga fort et amar

Ensems concordan lur afar.
idolas | tegrun nemias car.
125mandan las colre ethonrar.
e perla | terra eper mar.
epreiron un fellon avar.
czosdacians | cui deus non guar.
trameirun lo qest regnantpar.
130els | cristians prendet eschar.
elsdestrenga fort et amar. |

ve ll vos vengud inz en agen
aqo fo hom non ag bon sen
[16v] tals obras va pertot fazen
135 per que sabem qe deu offen
diabl ador et homens ven
e lz cristians aguait e pren
los uns aucid e ls altres pen
et en la flamma moltz n encen
140 e czo vol far nemias soen

Vell uos ven gud inz enagen.
aqo fo hom non ag bon sen. |
[16v] tals obras ua pertot fazen.
135perque sabem qe deu offen.
diablad-|or et homens uen.
elz cristians aguaite pren.
losuns- | aucid els altres pen.
et enlaflamma moltz nencen.
140e czo | uol far nemias soen.

con audun q intra dacians
aqo fo granz gauiz a lz pagans
ydolas erzon sobre ls fans
e ls paramentz tradun e lz plans
145 czo fo conres avols e vans
e trobed lo folz e bazans
e dunc parlan de ls cristians

Con audun qintra dacians.
aqofo | granz gauiz alz pagans.
ydolas er zon sobrels fans.
els | paramentz tradun elz plans.
145czo fo conres auols euans. |
etrobedlo folz ebazans
edunc parlan dels cristians. |

don qe us avez aitan tarzad
pos est regn aggestz acaptad
150 degraz l aver antz revisdad
qe nostra gent aggess bauzad
una donzella nz a laudad
q uns deus es bons en trinitad
qi preg aqestz d est vizinad
155 apella l foll e dessennad
s aiczo non es fort castiad
perdrez n est aiz e sta ciutad
qe tot es seun per parentad

Don qeus auez aitan tarzad.
pos est regnaggestz acaptad. |
150degraz lauer antz reuisdad.
qe nostra gent aggess-. | bauzad.
una donzellanza laudad.
quns deus es bons entri|nitad.
qi prega qest z dest uizinad.
155apellal foll edessennad. |
saiczo non es fort castiad.
per drez nest aiz esta ciutad.
qe tot | es seun per parentad

aiczo q est nostra gentz vos diz
160 no ns tolla ira ni obliz
aqist donzella nz a vilziz
qe nz fa estar de lei marriz
sos linz nos a totz temps nuiriz
e lle per mal anz relinquiz
165 ja non aia en vos raiz
si l deu cui cred laid non desdiz
per ver nos a a folz causiz
mal nos destorba l seus estriz
e vos estz mortz e totz auniz
170 si no ll ne sagnan [17r] las cerviz
si qon fezestz far saint feliz

Aiczo qest nostra gentz uos diz.
160nonstolla | ira niobliz.
a qist donzellanza uilziz.
qenz faestar de | lei marriz.
sos linz nos a totz tempsnuiriz
e lle permal | anz relinquiz.
165ia non aia en uos raiz.
sil deu cui cred laid | non des diz.
peruer nosa afolz causiz.
mal nos destorbal | seus estriz.
euos estz mortz etotz auniz.
170sinoll nesagnan | [17r] las cerviz.
siqon fezestz far saint feliz.

trames per ella molt viatz
e castied q uns no ll menatz
gentet la m n aduzed per l bratz
175 e dizez li qed eu czai fatz
e ll prometrai tan gran escaz
qe tot lo mal telant l esfazz
de czo son eu ben savis mazz

Tramesperella | molt uiatz.
e castied quns noll menatz.
gentet lam nadu|zed perlbratz.
175edizez liqed euczaifatz.
ell prometrai tan | gran escaz.
qe tot lomal telant les fazz.
deczo son eu | ben sauis mazz.

a quals antz corrun achil drud
180 aqi o era son vengud
non l dizun neiss un bon salud
antz li menaczan molt menud
et ella s ten que ll cors non l mud
q aqell a ben prod et agud
185 e prega deu per sa vertud
q ad aqesta coita l aiud
qu en lui a tot lo seun permud

A quals antz corrun achil drud. |
180aqioera son uengud.
nonl dizun neiss un bon salud.
antz | limenaczan molt menud.
et ellas ten quell cors nonl mud. |
qa qell abenprod etagud.
185eprega deu per sa uertud.
qadaqesta | coita laiud.
quen lui atot loseun per mud.

en alt leved la sua voz
e comanded se sainta croz
190 non preza llz folz totz una noz
ne lur mercad ne lur neoz
q intz en enfern e ll maior poz
mals lur venra per aqest oz
q aqi a molt amara doz

Enalt leued la | sua uoz.
ecomanded se sainta croz.
190nonprezallz folz totz | una noz.
nelur mercad nelur neoz.
qintz enen fern ell | maior poz.
mals lur uenra per aqest oz.
qaqi amolt amara | doz.

195 dunc se signed ab los tres dez
e pregged deu q est segle fez
deus qi m guardestz de tot mal vez
s ara m valez ben o farez
q a ls teus dissist quan coit aurez
200 si m o dizez sempre m veirez
seinner preg vos qe m aiudez
de vos voill molt qe mi guidez
qe czo m cuid don l anma n menez

195Dunc se signed ab los tres dez
epreg ged deu qest | segle fez.
deus qim guardestz detot mal uez.
saram ualez | ben o farez.
qals teus dissist quan coitaurez.
200simo dizez | semprem ueirez.
seinner preg uos qem aiu dez
deuos | uoill molt qemi guidez.
qe czom cuid don lanman menez. |

prendun la l baille datian
205 e menan la ill e mei lo plan
e ll [17v] apelled un puplican
qi fo vestiz de barracan
vai gent la pren per l destre man
e mena la entro a l fan
210 profeira ncens a l deu selvan
e preg diana e l deu jan
ill non prezed aqo un can
ne non ag soin d aqel pagan
lo cor ag ferm e fort e san
215 e deu de cel teg sobeiran
czo devon far tuit cristian

Prendun lal baille datian
205emenan laill emei lo plan.
ell | [17v] apelled un puplican.
qi fo uestiz debarra can.
uai gent | la pren perl destre man.
e mena la entro alfan.
210profeiran|cens al deu seluan
e preg diana el deu ian.
ill non pre-|zed aqo uncan.
ne non ag soin daqel pagan.
lo cor ag | ferm efort esan.
215edeu decel teg sobeiran.
czo deuon | far tuit cristian.

co ll dia s pres ad asserir
manded la batre e ferir
la plus fort carcer fez obrir
220 e diz qe l om laintz la n tir
dunc mog lo folz aital suspir
con fa vilans quan vol morir
colged s en leit non pog dormir
plus q om qe sempre vol fugir
225 grand ainsa mog qi l fez nuirir

Coll dias pres adasserir.
manded | la batre eferir.
la plus fort carcer fez obrir.
220e diz | qe lom la intz lan tir.
dunc mog lofolz aital suspir |
con fa uilans quan uol morir.
colged sen leit non pog | dormir
plus qom qe sempre uol fugir.
225grand ainsa | mog qil fez nuirir.

pres s a l matin de l plai guarnir
e manded la ant se venir
ara donzella voill audir
de qual paradge vols servir
230 ella parled e saub l o dir
de nostre don me voill aizir
et en czo q eu sei meilz causir
res mais non es q eu tant amir
si llui non ei non poiss guerir
235 ren tant non am non voill mentir
ab lui voil ridre e gaudir

Pres sal matin del plai guarnir |
e manded la ant se uenir.
ara donzella uoill audir. |
de qual paradge uols servir.
230ella parled esaub lo dir. |
de nostre don me voill aizir.
et en czo qeu sei meilz causir. |
res mais non es qeu tant amir.
si llui non ei non poiss guerir. |
235ren tant non am. non uoill mentir.
ab lui uoil ridre e | gaudir.

dunc l apelled ab grand amor
tota us tolled d aital error
causez una cabal honor
240 aqell aurez [18r] e pois maior
corps avez de genta tenor
filla semblaz d emperador
respon la donzella de porr
au vos ischern e deshonor
245 non queir cambiar altre sennor
lo don qi m fez cred et ador
qi lui perd po n aver paor

Dunc lapelled ab grand amor.
tota us tolled | dai tal error.
causez una cabal honor.
240aqellaurez | [18r] e pois maior.
corps auez de genta tenor.
filla semblaz | demperador.
respon la donzella deporr.
au uos ischern | e des honor.
245non queir cambiar altre sennor.
lo don qim | fez cred et ador.
qi lui perd pon auer paor.

aujaz de l traitor fraudolent
si ll mog ben grand afollament
250 diana colgrun tei parent
e ll homen tuit de nostra gent
si laissaz aqest foll jovent
e volez faire l meu talent
d aur vos farei lo liament
255 de vera purpra l vestiment
segre vos aun donzellas cent
mil cavaller ab guarniment
ella l respon si qe non ment
ja deu non placza folz me tent
260 mais voil morir o pendr a l vent
qe prenda st vostre nuiriment
deu a perdud qi czo consent

Auiaz | del traitor fraudolent.
sill mog ben grand afollament. |
250diana colgrun tei parent.
ell homen tuit de nostra gent. |
si laissaz aqest foll iouent.
euolez fairel meu talent. |
daur uos farei loliament
255de uera purpral uestiment. |
segre uos aun donzellas cent.
mil caualler ab guarniment. |
ellal respon siqe non ment.
iadeu non placza folz metent. |
260mais uoil morir opendral uent.
qe prendast uostre nuiri|ment.
deu aperdud qi czo con sent.

eu si m son sana o si m doill
tenrei m ab deu ab cui mi soill
265 per czo nu m cant nulz hom ni m foill
diana ne jovi non voil
ne minerva gens non acoill
ne nun lai queir tornar mon oill
quan los levestz en est cabdoill
270 e lur mesestz aital escoill
aiczo fezestz tot per orgoill
mais valgran sengle trau de troill
qe l om aggess dolaz enz broil

Eu sim sonsana o | simdoill
tenreim ab deu ab cui misoill.
265perczo num cant | nulz hom nimfoill.
diana ne ioui non uoil
ne minerva | gens non acoill
nenun lai queir tornar mon oill.
quan | los leuestz enest cabdoill.
270e lur mesestz aital escoill. |
aiczo fezestz tot per or goill.
mais ualgran sengle trau | de troill
qe lom aggess dolaz enz broil.

si son malaveda [18v] o sana
275 non pregarei vostra diana
ja non o facza cristiana
qe czo s per ver traciuns plana
unqeg dia de la setmana
diables manbes la us apana
280 si l proferez quegs una rana
e l faiz encens de fum de lana
mostrar vos a enfern czo s vana

Sison mala-|ueda [18v] o sana.
275non pregarei uostra diana.
ianon ofacza | cristiana.
qe czos peruer traciuns plana.
unqeg dia dela | set mana.
diables manbes laus apana.
280sil proferez quegs | una rana.
el faiz encens defum dela na.
mostrar uos | a enfernczos uana,

con au lo mendix pudolentz
qe leis non cambia sos talentz
285 irasc tan fort con fa serpentz
trastorna ls oilz lima las dentz
e dunc jured sos sagramentz
czo vostre cabs n er totz sanglentz
o us cremara la flamm ardentz
290 con audistz qe fez saint laurentz
ella non n pres nulz espaventz
e diss en motz ben convinentz
fell sias tu si mot m en mentz

Con au lo mendix pudolentz. |
qe leis non cambia sos talentz.
285irasc tanfort confa serpentz. |
trastornals oilz lima las dentz.
edunc iured sos sagra|mentz.
czo uostre cabs ner totz sanglentz.
o us cre|mara la flammardentz.
290con audistz qe fez saint laurentz. |
ella non npres nulz espauentz.
e diss en motz ben conui|nentz.
fell sias tu simot menmentz.

ja deus nu m laiss veder lo jorn
295 q ador asclepi ne satorn
q intz en enfern e ll maior forn
ab altres moltz qe son d eiss dorn
intz en la flamma fan estorn
gens non lai prendun bon sojorn
300 nun voill eu aital deu cabdorn

I adeus num laiss | ueder lo iorn.
295qador asclepi nesatorn
qintz enenfern | ell maior forn.
ab altres moltz qe son deiss dorn.
intz | enla flamma fan estorn.
gens non lai prendun bon soiorn. |
300nun uoill eu aital deu cabdorn.

deus nostre donz lo glorios
de totas res es poderos
de l cel czai deissended per nos
e fez de ss homen molt ginnos
305 gueri lz malaves e ls lebros
baptisme nz ded en l agua jos
pres fo l seus [19r] corps lo precios
judeu l aucidrun enveios
destruiss enfern lo tenebros
310 los seus en traiss qe connog pros
aqel volri aver espos
qualque plaid m en fezess ab vos
q el si m es belz et amoros

Deus nostre donz lo | glorios.
de totas res es poderos.
del cel czai deissended | per nos.
efez dess homen molt ginnos.
305guerilz malaues | els lebros.
baptismenz ded enlagua ios.
pres fol seus | [19r] corps lo precios.
iudeu lau cidrun enueios.
destruiss | enfern lo tenebros.
310los seus en traiss qe connog pros.
aqel | uolria uer espos.
qual que plaid menfezess ab uos.
qel sim | es belz et amoros

lo seus noms es adonai
315 aital lo diss a moysi
poderos es per ver aissi
de quant manded res non n falli
e qi per bon cor li servi
non teg lo guadardon ab si
320 humilitad e ben quesi
et a sos drudz honor aizi
e qi vas lui ben se causi
sa part e l cel li divedi
e quan mor l anma l paus achi
325 aisi m considr o facz a mi
q ancsen l amei pos mot n audi

Loseus noms es adonai.
315aitallo diss a | moysi.
poderos es per uer aissi.
dequant manded res non n | falli.
eqi per bon cor liserui.
non teg lo guadardon ab si. |
320humilitad eben quesi.
et asos drudz honor aizi.
eqi uas lui | ben secausi.
sapart el cel lidiuedi.
equan mor lanmal pausachi. |
325aisim considro fac zami.
qanc sen lamei pos mot naudi.- |

audir podez de l averser
consi ll respon e l cab primer
jur vos per ls deus d aqest clocher
330 e per aquelz cui eu profer
car comprarez est reprober
d etz cab ne perdrez un quarter
dunc fez venir un seun obreir
q una gratigla ll fez d acer
335 sus la paused sobre l foger
lo corps tot nud cast et enter
fa ill fog de legna de noger
e de l altra de l verdier
czo lle non prezed un diner
340 q en deu a tot son consider
e fo filla de cavaller

Audir podez del auer ser.
consill respon elcab primer.
iur uos | perls deus daqest clocher.
330eper aquelz cui eu profer-
car com|prarez est reprober.
detz cab ne perdrez un quarter.
dunc | fez uenir un seun obreir.
quna gratiglall fez da cer. |
335sus lapaused sobrel foger.
lo corps tot nud cast et enter. |
faill fog delegna denoger.
e del altra del uer dier.
czo lle non | prezedun diner.
340qen deu atot son consider.
e fo filla de caualler. |

plora s la gentz e son marid
per la donzella fan gran crid
e tal jovent tan leu delid
345 sens tot forsfait q aiam audid
[19v] e dunc se sun molt penedid
de l mal q aun fait deu per oblid
et a llui se sun convertid
e per martyri mult fenid
350 e pregan lo q ell eiss los guid

Ploras lagentz eson marid.
per la donzella fan gran crid. |
etal iouent tan leu delid.
345sens tot fors fait qa iam audid. |
[19v] edunc se sun molt penedid
del mal qaun fait deu per oblid. |
et allui se sun con uertid
e per mar tyri mult fenid.
350e pre|gan lo qell eiss los guid.

imple de dol tota l ciutaz
fujun l bon homen a totz laz
eiss saintz caprasis cui non plaz
sus en la rocha sta celaz
355 d aqi vi gran virtud assaz
qe deus fez sobre la fornaz
o ll corps d aquella sancta jaz
raustiz e l ferr et escaraz
angels i veng de cel pennaz
360 blancs qon colums q eiss l an foss naz
quan sobre l fog fo eissalaz
l encendis fo refrejuraz
ja meilz de re uns no m credaz

Imple de dol total ciutaz. |
fuiunl bon homen atotz laz.
eiss saintz caprasis | cui non plaz.
sus enla rochasta celaz.
355daqi ui gran uir|tud ass az.
qe deus fez sobre la fornaz.
oll corps da|quella sancta iaz.
raustiz el ferr et escaraz.
angels | i ueng decel pennaz.
360blancs qon colums qeiss lan foss | naz.
quan sobrel fog fo eissalaz.
lencendis fo refreiu-|raz.
iameilz dere uns nom credaz.

aqell angels qe i es venguz
365 aujaz qual deintad i aduz
corona d aur qe plus reluz
non fa l soleilz quand es creguz
cuberg li l corps q era totz nuz
d un pali q es ab aur batuz
370 czo nun vi jovens ni canuz
fos saintz caprasis lo seus druz
qu anc sempre s es ab deu teguz

Aqell angels- | qe ies uenguz.
365auiaz qual deintad iaduz.
coronadaur | qe plus reluz.
non fal soleilz quan des creguz.
cuberg | lil corps qera totz nuz.
dun pali qes ab aur batuz. |
370czo nunui iouens nicanuz.
fos saintz caprasis lo seus | druz.
quanc sempre ses ab deu teguz.

con vi l culvertz l encendi mort
e ll fog de lla fornaz estort
375 dunc s i mes molt grand desconort
quar le o ten en tal deport
et escrided a l seus molt fort
donzeill mija [20r] de l cab no n port
qe totz nos mena a grand tort

Conuil | cul uertz lencendi mort.
ell fog della fornaz estort. |
375dunc simes molt grand desconort.
quar le oten ental | deport.
et es crided al seus molt fort.
don zeill miia | [20r] delcab nonport.
qe totz nos mena agrand tort. |

380 suspira l gentz per tal affan
qe ll vedon durar sens engan
hom cui fosson cregud cent ann
nonca l sofergra ja plus gran
cisclan l bascon qe son d aran
385 dizon per ren viva non n an
levan la n pes de l fog tiran
erss l uns la spada flameian
tal li doned e l cab de l bran
tota la testa n mog taillan
390 con fez heros far saint johan

380Sus piral gentz per tal affan
qell uedon durar sens engan. |
hom cui fosson cregud cent ann.
noncal so fergra ia | plus gran.
cisclaunl bascon qeson daran.
385dizon | per ren uiua non nan.
leuan lan pes del fog tiran.
erss | luns laspada flameian.
talli doned el cab del bran. |
tota latestan mog taillan.
390con fez heros far saint | iohan.

remas lo corps truncs e rezis
aissi con l gladis l a aucis
de l anma son l angel gavis
ab gaui la n portan et ab ris
395 totz n es alegres paradis
e l saint qe dintz eran assis
non dig menczonga czo m es vis
si per oblid non i mespris
q a savis homens o requis
400 e de gramadis o apris
autor vos en trag saint daunis

Remas lo corps truncs e rezis
aissi conl gladis | la aucis.
de lanma son langel gauis.
abgaui lan portan | et ab ris.
395totz nes alegres paradis.
elsaint qe dintz | eran assis.
non dig menczonga czo mes uis.
siperoblid | noni mespris.
qa sauis homens o requis.
400e de gramadis | o apris.
autor uos en trag saint daunis.

ar audirez un mot eschiu
lo sangs en terra fez gran riu
non l ausan sebellir li viu
405 qe l fell o veda per son briu
en terra l feiron aital niu
con fa l estrucis en estiu
e dunc se ploravan molt piu
quar non lur era meilz aiziu
410 dolent remanun e caitiu
paor an gran qe l mals reziu
[20v] et ains ant con homen fugdiu

Ar audirez | un mot eschiu
lo sangs en terra fez gran riu.
non lausan | sebellir liuiu.
405qel fell o ueda per son briu.
en terra l fei|ron aital niu.
con fa lestrucis en estiu.
edunc se plora|uan mo lt piu.
quar non lur era meilz aiziu.
410dolent | remanun ecaitiu.
paor angran qel mals reziu. |
[20v] et ain sant con homen fug diu.

tant teg achella seboltura
tro a remas achist rancura
415 la carnz ol bon con plus madura
no i fez hanc verms neiss rasgadura
de l sang en l cab par la peintura
vermeill l a tot per la jointura
mortz fo achel hom follatura
420 qe deu laizava sa dreitura
recobra l segles per natura
totz bens torned en sa mesura
e l folz sofer sa gran ardura

Tant teg achella | seboltura.
troa remas achist rancura.
415lacarnz | olbon con plus madura.
noifez hanc uerms neiss ras|gadura.
del sang enl cab par lapein tura.
uermeill | la tot perla iointura.
mortz fo achel hom follatura. |
420qe deu laizaua sadreitura.
recobral segles pernatura. |
totz bens torned ensa mesura.
el folz sofer sagran | ardura.