Texts: Epistle of St. Steven

Composed c1130 in Avon-les-Roches (Indre-et-Loire), Touraine; manuscript copied c1130 in Avon-les-Roches (Indre-et-Loire), Touraine. Source manuscript: Tours, Bibliothèque du Petit Séminaire, Missel sans cote. Manuscript image: https://arca.irht.cnrs.fr/ark:/63955/rt1lw98cosqf

Epistle of St. Steven (EpSEt). In T. Rainsford (ed.) Old Gallo-Romance Corpus, version 1.0. Stuttgart, Institut für Linguistik/Romanistik, 2025. http://ogr-corpus.org.

Uniform transcription

Diplomatic transcription

[208r]

leccio actuum apostolorum

por amor de vos pri saignos barun
seet vos tuit escotet la lecun
de saint estevre lo glorius barun
escotet la par bennen entenciun
5 qui a ce jor recut sa pasiun

leccio actuum apostolorum¶

por amor de uos pri saignos barun.
Seet uos tuít | escotet lalecun.
desaint esteure. loglorius barun.
escotet la par bennen entenciun; |
5qui aceior recut sapasiun.

in diebus illis stephanus

seint estevres fut plains de grant bonte
ama tot cels qui creinent en de
feseit miracles o non de demmede
a s cuntrat et a s ces a tot dona sante
10 por ce haierent autens li jue

Indiebus illis¶ Stephanus¶

Seint esteures fut plaíns | de grant bonte.
enma[=ama] tot cels qui creínent ende
feseit miracles onon dedemmede. |
ascuntrat et au[=s]ces atot dona sante;
10porce haierent autens liíue¶

surreserunt

encontre lui se s drecerent trestuit
distrent ensemble mauveis mes cetui
il a deable qui parole en lui
jotun ensemble por deputer o lui
15 et si arrun l escience de lui

Surreserunt. |

encontreluí ses drecerent trestuít.
distrent ensemble mau ueis mes cetui. |
iladeable qui parole enluí.
iotun ensemble pordeputer olue[=lui];
15et siar run lescience | deluí¶

et non poterant

a u deputer furent cil de libie
e cil de sire e cil d alesandrie
et de la terre qu est enme celicie
tuit li juef li plus save d asye
20 s il le concluent ja li toldrunt la vie

et non poterant¶

audeputer furent cil delibie.
e cil desire ecil dalesandríé. |
et delaterre quest enme celicie.
tuít li íuef liplus sauė dasye;
20sille con cluent | ialitoldrunt lauie¶

audientes

mes a u barun ne porrent contrester
ne d eciencie ne de clergil mester
il fut bons clers bien se sot deraisner
unques vers lui ne porent mot soner
25 entreos porpensent con le porrunt danner

audientes¶

Mes aubarun nepor runent[=porrent] con trester.
nedeciencie | ne de clergíl mester.
il fut bons clers bien sesot deraisner.
vn ques uers luí | neporent mot soner;
25entreos porpensent con leporrunt danner¶

cum autem esset

mult sunt ire li jue li felun
croisent les dent encontre lo barun
con fait li chiens encontreo lo larun
mult volentiers dannassent le barun
30 se il en lui trovassent l achisun

com[=cum] autem esset |

Mult sunt ire liíue li felun
croisent lesdent encontre lobarun.
confait li chi ens encontreo | lolarun.
Mult uo len tiers dannassent lebarun;
30se ilenluj tro uassent lachisun.¶ |

ecce video

unques per els ne se volt desmentir
per nule chose que negunt li deit
esgarde e l cel si i vit jhesu christ
pois a s jues a feluns si lor dit
35[............................]

ecce uídeo¶

Vnques per els neseuolt desmentir.
per nule chose que negunt lideit. |
esgarde elcel siíuit ihesu christ.
poisasíues afeluns. silordit.¶
35

exclamantes

qant ce oirent ensenble s ecriierent
tan dolent furunt por poi ne s esragerent
lo barun pritrent ledement le baterent
fors de la vile ledement le giterent
40 pois le barun entros si lapiderent

ex clamantes. |

qant ceoirent en senble secriiert[=ecriierent].
tandolent furunt por poi ne sesrageret[=esragerent].
lo barun | pritrent lede ment lebaterent.
fors delauíle ledement legiterent;
40pois lebarun | entros silapiderent.¶

et testes

mes ce trovun que a s piet d un enfant
mistrent lor dras cil qui le segueient
saulus ot non de damassa la grant
pois fut apotres si con trovun lesant
45 saint pol l apellent la crestiane gent

ettestes.¶

Mes cetrouun que as piet dun enfant
mistrent | lor dras cil qui lesegueient.
saulus ot non dedamassa lagrant.
pois fut apotres | sicontrouun lésant;
45saínt pol lapellent la crestiane gent.¶

et lapidabant

lo barun seguent mult grant torbe de gent
plaient lo for lo scant vet espandant
li curs li faut vait sei afebleant
damede prie o ben cor docement
50 sire faet il mon esperite pren

et lapidabant.¶

lo barun | seguent mult gant[=grant] torbe degent.
plaient lofor loscant uet espandant.
licurs | lifaut uait sei afebleant.
damede prie oben cor docement;
50sire fæt il mon esperite | pren.¶

positis autem domine ne

quant volt fenir se s est ajonelet
nostre saignor derecchief a prie
sire fet il por la meie amite
pardone a cet qui ci m unt lapie
55 que ja por mei ne perdent t amiste

positis autem. domine ne¶

quant uolt fenir sesest aione let
nostre saignor de|rećchief aprie.
Sire fet il por lameie amite.
pardone acet qui cimunt | lapie.
55que ia por mei neperdent tamíste¶

et cum hoc dixisset

a icest mot li sen de fu feni
s erme recut jhesum que il a servi
oi est la feste si cum avet oi
priun li tuit nos qui summes ici
60 que il prie de qui il ait de nos merci

et cum hoc dixisset¶.

Ai cest mot lisen | de fu fení.
serme recut ihesum que ila seruí.
oi est laste[=feste] sicum auet oi. |
priun lituit nos qui summes ici
60que il prie de qui ilait denos merci

OGR Corpus